VISITAMOS A BIBLIOTECA DO CASTRILLÓN

Fai uns días as profes dos rapaces de 4 anos fumos facerlle unha visita a biblioteca do Castrillón, as rapazas que traballan nela querían que fosemos facerlles unha visita acompañadas dos nosos pequerrechos.

Cando estábamos sentadiños na asamblea explicandolles aos pequenos o que nos dixeran as rapazas da Biblioteca chamou á porta Raquel "traía un paquetiño, que lle entregara facía un anaquiño o carteiro ". Os nenos estaban moi pero que moi emocionados, que nos trouxeron profe?. Abrimos o paquete, e descubrimos unha carta, un CD e un anaquiño de lá. Na carta explicábannos que nuns prados galegos vive unha ovella chamada Tecelá, que se atopa moi pero que moi triste, pois fai uns días o granxeiro anuncioulle que a ían a rapar.....!!!!!. 

Decidimos facer de detectives e investigar porque  e para que quere o granxeiro facer tal cousiña... e que mellor sitio que visitar a biblioteca do Castrillón para informarnos e axudarlle a ovelliña Tecelá. Pasámolo pipa...ollade un pouquiño.
Estivemos escoitando moi atentos sentadiños a Ana e a María, contarnos varios contos, e por suposto coñecimos a ovelliña Tecelá. Pasáronno moi pero que moi ben...

e antes de marchar, escollimos un contiño para poder levar ao colexio...nas próximas semanas continuarei contándovos que sorpresiña estamos preparando para fomentar a lectura nos nosos cativiños.